21.06.07瘋狂"血洗"原宿&新宿

今天決定和candy在原宿和新宿大出血,買哂東京最平最靚嘅嘢返香港,要去東京最"潮"的地方,當然要著番個"潮"look先出門口啦!

看觀者認為我呢個"潮"look OK嗎? 當然仲有我的漂亮潮妹candy啦!每早都走上一樣的大街,但每朝都有唔同嘅感覺......兩姊妹喺池袋街頭玩自拍.......地上常看到的圖畫,究竟是什麼意思呢?早上好多人都搭呢d巴士返工........candy最鍾意到後面的藥房買化妝品和日常用品.........池袋的一番街,但咁多日都未入去行過.........街上隨時都可看見的夾公仔機,都是池袋的特色之一candy最愛的日本餃子........喂,candy,又是教您"正"字嘅時間喇.........

這間餐廳叫"浪漫鳥",而不是"浪漫島"呀.........呢間叫"平祿壽司",而不是"元祿壽司"呀...........一如以往地吃了個豐富早餐.............吃完早餐,剛好十點,各大百貨公司才剛剛開門...........先去搭JR列車去原宿............車站內一早有新鮮嘅花賣 JR列車上看到傳統穿和服女士終於來到candy最愛的地方~原宿竹下通了這裡的東西真係又平又抵呀,你看質料很好的皮帶才賣105 yen日元,即大約港幣$6.4一條,太平了.........說時遲那時快,candy已忍唔住開始佢嘅搶購平嘢大行動在竹下通吃了味道ichiban的pancake,喺竹下通發現原來日本人是這樣揹狗仔出街嘅,好得意呀...................由於我兩姐妹的購物大行動實在太瘋狂了,所以再戰新宿前要先把貨物存放在locker內.........去到新宿,第一樣嘢竟然看到的竟然是.................木村的poster!日本即係日本,就連蒸餾水都靚過人於新宿享用了超正嘅烏東作午餐.........我的慳妹細妹,去到新宿都嚷著要買平嘢,須知道新宿大部份都係大百貨公司,買嘢一定唔會如在原宿反般平.......但最後又竟然俾佢千辛萬苦地找到佢最愛的100 yen shop,你地睇佢個樣幾咁滿足..........至於我地兩姊妹今日的戰績如何,無需多講,自己睇圖吧!(真係自己都覺得誇張呀!)

20.06.07箱根浪漫之旅

雖然昨天"血洗"了澀谷(瘋狂購物)一番,但今朝一大清早,我和candy又精神奕奕地踏上我們的旅途,探訪一個美麗而浪漫的地方~箱根吃過早飯後(真的是飯呢)........我們便到新宿乘坐小田急線的romance car往箱根:

JR路線圖,複雜嗎?

先在新宿取一些關於箱根的資料先:小田急線車站~

紫色的Romance car,真係好浪漫呀!

唔知點解,喺同一個位置影個日本伯伯,效果竟然不是很romance,而是好搞笑Romance car內:因為由新宿乘搭romance car到箱根需時一個半小時,candy便在車內看起日本版non-no來:細看non-no之下,candy竟有驚人發現~就是我昨天在澀谷買了一件刊登了在non-no上的衫,就是書中紅色那件衫了,哈哈,証明我都幾有taste喎!沿路的風光,美極了........車程較遙遠,candy忍唔住小睡了一會終於到達箱根了~一落車,便發現對面的列車有一個女性專用車廂,只供女性專用的車廂,好讓女性避開"痴漢"(色狼),又幾得意喎一出箱根車站口,突然有一位日本阿叔走向我們話要幫我們影相,我們當然說好,都感激他的好意,但之後我們再看他為我們拍的照片後,大家立刻無奈對望,因呢位日本阿叔好明顯唔識操作我部相機,算了吧......箱根是近郊的地方,遠離城市,所以空氣特別清新沿途我們看見有新鮮魷魚擺買,好特別啊!我們首先乘登山纜車到達箱根第一個景點~彫刻之森美術館先購買入場卷~館內有好多美麗又得意的彫刻~鬼馬嘅candy,竟然扮起彫刻像來,笑死我了!荷包蛋彫刻,好可愛啊!好高嘅彫刻..............色彩繽紛的彫刻................人頭彫刻..........................據說透過這彫刻石的中心手拖手,兩人便可友誼永固了!告別美術館,我們再乘搭登山纜車去到箱根第二個景點~強羅(明明這地方叫強羅,點解candy時常把它讀錯做"羅強"?每當她讀錯個地方名時.都會令我哭笑不得,哈哈)由強羅車站步行到強羅公園(喂,candy:您又時常杷它叫作"羅強公園"了!)往強羅公園途中,candy發現了地面圖案好特別的街道..........要到達美麗的強羅公園,先要行上一條好斜的斜路,你地睇candy行到喘曬氣,就知條路有幾難行了!公園的特色是栽種了好多唔常見但又相當漂亮的植物..........由強羅公園回程到車站的路,明顯比上來的路舒服好多,令我們都有心機在斜路兩旁拍照留念.....

要告別強羅了,離開前影了合照留念.........之後我們再踏上登山纜車.......再轉乘登山吊車上大涌谷....

對於candy來說,乘搭登山吊車絕對是一件苦事,因為她原來有畏高的,你們看她上吊車前的樣子有多為難.........吊車不斷向上升,candy也就愈來愈緊張,她緊敝雙眼,密不作聲,坐在她身旁的我,唯有捉住她的雙手,連聲安慰她不要驚........

終於到達大涌谷了,大涌谷是幾十萬年前的火山,現在仍有琉黃流出,圖中黃色的地方就是琉黃了.........(從吊車上望落去大涌谷,覺得好壯觀,也感到大自然的奇妙)下車走到大涌谷,氣溫異常的低,我想只有零度左右,冷得我們只管跑到室內去.....我們在大涌谷品嚐了著名的溫泉黑玉子,據說吃一隻會長壽多7年,candy,我想我們每人會長壽多14年呢!(因我們各人都吃了兩隻玉子)回程坐吊車下山,火山發出來的蒸氣已令我們看不到車外景色了candy:"今天雖然行程緊密,也奔波勞動,但我相信您都會認為是藉得的,對嗎?may姐答應您,下次再有機會一同去日本,我一定會同您去埋蘆芝湖睇富士山好嗎?今天對您來說都可算是完滿的一天,因為晚上您都品嚐了令您讚不絕口的棒餃子呢!"